片段一：扮学生
剧情：王Sir唔见咗支「善良之枪」，想周星星混入学校做卧底帮佢查失枪下落。
王Sir：冇人叫你扮教师，扮学生啫。
周星星：扮学生？！我当年就系因为最憎读书所以先加入警队㗎（口架）咋。我唔可以扮学生呀！Sir，你噉做，就即系等于带我上去一个充满毒蛇猛兽嘅火山口上便，唔理我嘅哭叫，唔理我嘅哀号，狠狠地，毫无怜悯地，将我用脚一伸，伸落去火红嘅岩浆里头。①你噉做又于心何忍呢？
王Sir：噉咪好啰，等你活得丰富，死得精彩。你唔使讲㗎（口架）喇，吟诗吟唔甩②架喇。（扐出call机）嗱，呢度有个call机表，你带住佢，见到666，即系我call你。
精句点评：
①：以连珠炮式嘅一系列状语同埋动作，以及两个夸张嘅比喻，讲出做卧底学生嘅极度痛苦。正由于比喻同动作嘅夸张而显得唔协调，所以产生搞笑效果。
②：「吟诗都吟唔甩」系粤语嘅一句常用俗语，意思即系无论如何都摆脱唔到。
本文版權屬於粵語協會，轉載務必註明出處 | 
