設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz

廣東人嘅大地恩情

2008-7-10 00:06| 發佈者: highyun| 查看: 29091| 評論: 4989|原作者: Highyun|來自: 本站原創

  雄壯嘅伴奏音樂之下,一望無際嘅農田、蜿蜒嘅河流、肥沃嘅桑基魚塘、辛勤耕作嘅農民、嬉戲嘅細路仔,跟住一把渾厚嘅聲音唱出“河水彎又彎,冷然說憂患”……呢個就係電視劇集《大地恩情之家在珠江》嘅片頭畫面。

  八十年代初,呢部取景自當時中山縣嘅電視劇轟動一時,其中嘅珠三角鄉土情懷,感動咗無數廣東人。電視劇嘅同名主題曲,更成為永恆經典,時至二十幾年後嘅今日都經常被重新演唱。呢首歌廣受歡迎,並非靠沾電視劇嘅光,更主要嘅係佢本身就係一首驚世之作,作曲家黎小田同填詞大師盧國沾功不可沒。
  清末民初,大批華人被「賣豬仔」去到美國舊金山,嗰種「別我鄉里時,眼淚一串濕衣衫」嘅悲痛之情,今日搭飛機出國留學嘅富家子弟又點可以體會到呢?當時嘅「豬仔」,生命係幾咁賤,即使捱得過幾個月暗無天日海船底艙生活到達傳說中「金山」,亦難頂得住日以繼夜牛馬不如嘅「孤哩」生活。今日穿金戴銀衣錦還鄉嘅歸國華僑,有冇忘記佢哋嘅祖輩創業嘅血汗史呢?
  螻蟻尚且歸群,更何況有感情嘅人呢!「若有輕舟強渡,有朝必定再返。水漲水退,難免起落數番。……夢裏依稀,滿地青翠,但我鬢上已斑斑。」漂洋過海打工嘅華人,必定日日喺海邊望住自己家鄉嘅方向,對住漲落嘅海水,等待返家嘅船隻。佢哋嘅根喺中國呢片土地,就算無緣返家,亦會經常夢見自己嘅鄉下,見到佢哋嘅下一代喺呢片華夏土地上成長。但不知不覺,自己已經離鄉多年,年華老去……好有賀知章《回鄉偶書》“少小離家老大回,鄉音無改鬢毛衰”嘅感覺。
  有樣嘢要順帶講下,有人以為《大地恩情》嘅演唱者係張學友,其實只係一個美麗嘅誤會。只因八四張學友喺十九區業餘歌唱大賽憑此曲獲得第一,所以畀人錯誤嘅印象。實際上,呢首歌嘅原唱係有電視劇主題曲歌王之稱嘅關正傑。

 

 

本文版權屬於粵語協會,轉載務必註明出處

發表評論

最新評論

引用 qetuo 2015-7-24 20:40
而家ATV不停咁播,想重溫,無難度。
引用 huishanese 2013-1-25 19:29
你不如话,台山人既大地恩情? 四邑人川穿洋过海的时候,广东人在哪里? 到了今天广东人被泛化了,所有东西都共享了?
引用 cantonses 2009-8-13 19:38
大地恩情系真實故事,就發生系中山0既沙朗

查看全部評論(4989)

手機版|Archiver|粵語協會    

GMT+8, 2021-10-26 22:08 , Processed in 0.175353 second(s), 21 queries .

Copyright © 2003 - 2021 Cantonese Association. All Rights Reserved. 粵語協會 版權所有

返回頂部