設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
粵語協會 總覽 魅力粵語 行話俗語集錦 查看內容

麻雀撲克粵語用語大全

2005-7-21 16:56| 發佈者: highyun| 查看: 16515| 評論: 0|原作者: Ungoo|來自: Ungoo抵死粵語網


  麻雀古時候又叫馬吊,我諗全中國13億人超過一半識得打麻雀。廣東麻雀裏面有好多特別嘅術語,呢啲術語好有趣,外省人唔一定聽得明,但係每一個廣府人聽到呢啲術語都會覺得好有親切感。

 

麻雀牌嘅粵語花名

粵語名 解釋
萬子 萬子
索子 索子、條子
筒子 筒子
番子、番薯 番子
春夏秋冬梅蘭菊竹八張牌
百搭 百變牌,皇牌,有時會加上這隻牌
大餅 一筒
葉子媚 二筒(因爲葉子媚被稱爲“波霸”)
斜紋 三筒
雀仔 一索
棍仔 二索
底褲 三索
坦克 八索
靚仔、棺材 白板
等你補充。。。  

 

各種“糊”

食糊 手上的牌全部都組合好,勝出
叫糊 還差一隻有用的牌才能食糊
鷄糊 又有三隻相同,又唔係清一色,又有順數位嘅牌
天糊 祇係莊家先可以食,起首14隻牌就食糊
地糊 莊家打出第一隻,其他任意一人食糊
人糊 非莊家先可以食,第一隻自己摸嘅牌就食糊
對對糊 祇有三隻三隻相同嘅組合
平糊 全部都係順數位嘅並且唔係清一色
炸糊 以爲食糊,攤出牌來,其實並未符合食糊嘅條件
出寵 放炮,某人出的一隻牌正是別人叫糊等的牌,他出此牌令到別人食糊
截糊 某人出的牌令到同時有兩人可以食糊,上家的人食糊令到下家的不能食,叫做截糊
棄糊 放棄食糊,有意唔食糊拖累其他人食唔出。
叫啞糊 叫一啲食唔到糊嘅牌。
等你補充。。。  

 

其它各種術語

甩牌 唔使睇,通過用手摸就知道係乜嘢牌
打同通 兩人或幾個人合謀通水
手上有兩隻相同,再從人家剛出的牌上攞一隻
上家剛大嘅牌同手上嘅牌可以組成三隻順數,就可以上
有四隻相同牌時可以槓
站長 長時間思考嗰位
門前清 未上過或未碰過
九張落地 因上或碰牌後而必需反出畀人睇到的九張牌
十二張落地 因上或碰牌後而必需反出畀人睇到的十二張牌
誅下家 有意令下家唔可以上牌
豬(誅)大嫂 令下家唔可以上牌嘅人
收藏家 收收埋埋人哋需要嘅牌的人(怪唔之得摸唔到啦!)
種番薯 有意留着番子牌,又叫“養番子”
一黐牌 順數位的三隻或相同的三隻,又叫“一楷牌”
單吊 祇能叫一隻牌
一手牌中唯一嘅一對(七對子除外)
叫眼 食眼的另外一隻,屬於單吊之一,又稱“單叫眼”
後兜 第一次唔要或留意唔到,第二次或以後再覓需要的牌。
卡竉 順數字嘅三隻嘅中間嗰隻。
順子 意爲順數字嘅三隻。
打骰 投骰子選擇摸牌的起始位。
執骨(執骰) 碌骰仔後撿起骰仔免它四圍溜。
大三元 中、發、白都係一黐牌
小三元 中、發、白有兩隻都係一黐牌,另一隻係一對
大四喜 東、南、西、北要有三隻以上係一黐牌,且一定要是有番嘅做一黐牌。
小四喜 東、南、西、北要有三隻以上係一黐牌。
槓爆 四張牌相同之後槓,摸尾段最後一隻,又啱啱係食糊就叫“槓爆”
槓上花 槓之後從後面摸返一隻牌剛好令到成副牌糊出
一手牌中唯一嘅一對
高张 形容人打牌好高手
罰张 罰停摸一次牌
差“一张”牌 再摸多一隻有用嘅牌先可以叫糊
贏牌後計算籌碼數嘅一種計量單位,衡量一手牌勝出之後可以贏對手幾多籌碼(錢)
三番起糊 一手牌食出之後要三番以上才能食糊
對死 各人手上拿的牌正是別人叫糊等的牌,互相都不出,令到大家都唔可以食糊
㨆莊 因爲食糊而繼續做莊
冧莊 因爲對手食糊而使自己的莊位轉移到下家
雙(三、多)飛叫 叫兩(三、多)隻牌。
見光死 打出嘅牌唔准收回,又叫“見白不收”
花張 不整理牌
明槓 碰咗三隻,自己再摸第四張相同嘅牌槓牌
暗槓 自己槓沒有碰過的四張牌,而且牌不公開
搶槓 食糊嘅人食槓牌嘅人的明槓牌
大相公 手上嘅牌多咗
小相公 手上嘅牌少咗
海底撈月 摸最後一隻食糊
經典句: 寧叫卡竉,莫叫對碰
等你補充。。。  


  雖然你可能賭術精通,「口披」牌麻雀樣樣都掂,但係你唔一定知到粵語裏面嘅所有「口披」牌用語。想做一個眞正嘅賭王,睇熟下面嘅内容先啦。

 

一副「口披」嘅元素

花色:

粵語叫法 解釋
葵花、葵扇、黑桃 黑桃
紅桃、桃花、桃、杏 紅桃
花、梅花 梅花
階磚、階 方塊


  數字:基本上數位嘅叫法粵語冇乜特別,除咗可以喺每個數位之後加個“仔”字,例如“5”可以叫做“5仔”。

字母:

粵語叫法 解釋
煙、煙士、A士 A
王、King K
女、妹(聽過有人噉講) Q
J
大細鬼、大細飛 Joker、大小鬼

 

各種出牌組合

「口披」:一對

三條:三隻相同數位或字母的

俘虜:三條的加一對

四條、金剛:四隻相同的,一般都指四隻相同的加上任意一隻散牌的組合

花:相同花色的五隻

順、蛇:連續順序的五隻

同花順:五隻牌同時是花和順。講到呢度唔知有冇人記得周星馳一段好精彩嘅臺詞呢:周:“一個花打唔打到四條啊?”對手大笑。周:“噉一個花再加多條蛇呢?”對手畀佢嚇到傻晒。

 

其它術語

鋤大D:鋤大地,一種非常流行嘅撲克遊戲,其中以2仔最大

吊主:即百分,一種四個人玩嘅打對家合作遊戲,拖拉機遊戲嘅前身

沙蟹:即係 Show Hand,最流行嘅賭錢遊戲

撍烏龜:一種撲克玩法,玩之前先撍一隻牌做烏龜,然後分牌,雙方有對出對,如果冇曬對就互相撍對方嘅牌,到最後邊個剩番一隻與“烏龜相同嘅牌就輸”

揞鼻哥:一種撲克遊戲,幾個人玩,不停向下家傳牌,當其中一個人收集齊相同嘅數位嘅四種花色,佢就馬上揞實個鼻,其他人見到馬上跟住揞,最慢嗰個就輸,要畀人刮鼻哥。

排7(又因其發音諧稱“排骨”):從7開始排起,按順序可以向上排或向下排,如果手上冇可以排落去嘅牌就要問對手要一隻,直到最後邊個啲牌重未出完就算輸。

冚棉胎: 兩個或以上嘅人將手上嘅牌逐張逐張排出嚟,當發現當前排出嘅牌與前面某一隻相同就用手冚落去,邊個冚得快兩張相同排之間嘅部分就歸佢所有,知道最後邊個手上嘅牌輸晒就輸。

晒唥:玩沙蟹時嘅一種落注手法,將手上全部籌碼都作爲賭注,一鋪定生死

扱手煙:Show Hand 時開始發嘅兩隻牌都係煙

煲醋:手上揸住大牌但係最後都輸。

 

Copyright:版權屬於粵語協會及Ungoo抵死粵語網站

最新評論

手機版|Archiver|粵語協會    

GMT+8, 2022-5-29 08:06 , Processed in 0.037317 second(s), 21 queries .

Copyright © 2003 - 2021 Cantonese Association. All Rights Reserved. 粵語協會 版權所有

返回頂部