花花世界 草草勞人 軍隊中人稱受傷曰戴花 茶居伙記呼小便曰擺柳 盡情快活曰大碌藕抬色 祇望下橛曰二叔公割禾 食完就掉猶如酸羌竹 咬都唔入好似鐵沙梨 食葱煲飯,話人通氣 甕菜文章,譏人不通 做事拚爛曰最大係芭蕉葉 倒運失時曰衰到扮吊鐘花 口花姑娘全無心事 柳骨大少絶無心肝 路邊花任人攀折 牆頭草善睇風頭 戴蓮葉卽是戴綠帽 着草鞋又名着撻沙 徒有其表,好似繡花枕頭 空得個売,猶之倒瓤冬瓜 匪徒薄暮行窃曰跴燈花 挑撥人家打架曰帶蟀草 盤上種蓮,屈藕,話人嫁錯丈夫 屎弗挿葱,倒蒜,笑人計錯數口 菠蘿鷄原係痴脚 竹鐵鴨全無心肝 有心求謀而謀不成,曰有意栽花花不發 無意做事而事有就,曰無心挿柳柳成陰 隔年碌,卽係舊柚,謂多年之相識 十月芥,經已起心,譏少女之懷春 半夜食黃瓜,唔知頭共尾,卽係話人混沌 牛趙牡丹花,唔識花共草,卽是笑人糊塗 婦人纒足,雙腳猶如辣椒仔 倭奴身矮,十足好似蘿白頭 賭錢好似綉花,賭仔從容淡定之語 行路身如擺柳,美女婀娜多姿之稱 四方木,踢都唔郁,譏人之蠢鈍難教 五時花,一時一樣,話人之變幻不常 怕老公心多,時常去拜恍榔樹 笑人家面麻,猶如反轉石榴皮 美美女多姿,甘願拜倒石榴裙 搵呆人老襯,送佢戴件欖豉帽 水花花,泵蛤乸,三頭幾十當玩耍,賭徒引人入勝之語 月光光,照地塘,年三十晚摘檳榔,慈母催兒睡眠之詞 數口太獨之人,算過草都唔生 頑皮太甚之人,攪到蛇都撚死 勿恃自己富豪,須知較場都會冇青草 勿欺他人潦倒,或者豆豉有時會發芽
|
