設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
粵語協會 總覽 廣府話趣 漫話粵語 查看內容

七月十四唔使震 「鬼」字查實好過癮

2015-8-27 18:02| 發佈者: highyun| 查看: 2315| 評論: 0|原作者: 奀姑青

摘要: 藉住鬼節,講吓「鬼」字,廣東話嘅「鬼」字,唔單止唔恐怖,仲相當生鬼!

    農曆七月十四盂蘭節,俗稱鬼節。藉住鬼節,講吓「,廣東話字,唔單止唔恐怖,仲相當生鬼!


    首先,」係萬能嘅,可以代替所有嘢,當搵唔到動作發起人或者接受人嗰陣隻「就出嚟幫你手:

    鬼唔知阿媽係女人!

    呃鬼咩。

    啲嘢賣到咁貴,搵鬼幫襯你!

 

因爲冇人唔知阿媽女人冇人畀你呃到,亦都冇人會幫襯你,所以就搵虛擬出嚟表示呢種人唔存在。



    有時,鬼又可以用做參照物:

    鬼咁靚,鬼咁醜。

    鬼殺咁嘈。

    鬼打都冇咁精神。

 

鬼有幾靚?又有幾醜?鬼打有幾精神?全部冇人知,不過一出到鬼,就個個都意會到形容最極至狀態,靚就靚到極點,醜就醜到極點,因爲鬼摸唔到,睇唔到,你話佢點就點。

 

最大作用莫過表達語氣:

你好鬼靚仔!

係咩?你都好鬼靚女啊!

齣戲好鬼悶!熄鬼咗個電視佢啦!

……

 

好靚加咗字變成好鬼靚,變靚指數不亞僆模打Botox修面;好悶變成好鬼悶,就直頭悶得死人。

 

加强語氣都未算架勢「鬼」仲識扭轉成句話意思,肯定變否定,否定變雙重否定

啲黑朱古力有鬼好食咩。

你識鬼咩,純度高先香啊。

你唔好以爲自己係大明星啦,有鬼人識你咩。

你唔好咁八卦啦,人哋屋企嘈交關你鬼事!

……

好鬼有用有鬼好用」兩句說話,「」字係咁意轉咗吓位置,意思就完全相反,幾鬼神奇!通曉粗口者,定必知道「鬼」實際上係某幾個粗口字嘅替代品,皆因「鬼」出得街,但「小狗懶擦鞋」就要打格仔。唔信嘅話,以上幾句說話中,「鬼」嘅位置以粗口字代入,一樣通順,兼且琅琅上口。


得意嘅係廣東話嘅「,更多時候唔形容鬼,而形容人。歌神阿Sam首〈天才與白痴歌詞就列舉咗一大堆咁嘅「:衰鬼、烟鬼、酒鬼、奸鬼、內鬼、賭鬼、嘩鬼、冒失鬼、醜死鬼……查實全部都系人,就連西洋人,都係「——鬼佬吖嘛。


一個字都咁多玩法,廣東話確係

最新評論

手機版|Archiver|粵語協會    

GMT+8, 2017-11-19 16:45 , Processed in 0.053857 second(s), 22 queries .

Copyright © 2003 - 2016 Cantonese Association. All Rights Reserved. 粵語協會 版權所有

返回頂部