設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
粵語協會 總覽 廣府話趣 漫話粵語 查看內容

寡佬不過係單身 稱呼帶「棍」非好人

2015-11-11 15:39| 發佈者: highyun| 查看: 2315| 評論: 0|原作者: 謝主隆

摘要: 西曆十一月十一號,據說,呌「光棍節」,以供單身一族慶祝云云,廣東人亦樂於「光棍」前「光棍」後自稱。實情,廣東話之「光棍」另有意思。

       西曆十一月十一號,據說,呌「光棍節」,以供單身一族慶祝云云,廣東人亦樂於「光棍」前「光棍」後自稱。實情,廣東話之「光棍」另有意思。


有句說話呌「財到光棍手,一去冇回頭」。何解?從一碌「光棍」身無長物而聯想到靠偷呃行騙維生,「光棍」即「騙子」,被其騙去之財當然冇可能攞得返。另有兩句歇後語:光棍佬教仔——便宜莫貪、光棍佬教女——切勿蝕底,光棍利用人之貪念行騙,自己着數,人哋蝕底,以「搵食」經驗教導仔女,定必警戒勿貪人財,勿虧於人。


仲有一句俗語「光棍佬遇冇皮柴」,「冇皮柴」光捋捋,查實又係一碌「光棍」。成句話意思係「騙子撞正騙子」、「古惑鬥古惑」。五十年代有齣電影《光棍姻緣》,講主角梁醒崇同梁珠兩兄妹同告失業,於街頭謀生處處碰壁。崇到酒店冒充富翁,望能結識貴人,偏遇上光棍阿鳳招搖撞騙。崇、鳳終敗露身份,卻締結良緣。戲名意思,並非「單身男女之姻緣」,而係「兩個騙子歡喜冤家變情侶」,正係「光棍佬遇冇皮柴」。即使未睇過呢齣唐山舊片,亦聽過男主角梁醒波唱嘅經典插曲:「擔番口大雪茄,充生認經理,撈世界要醒目,一於當玩把戲之嘛……


廣東話中,用於稱呼人嘅詞語甚多,但包含「棍」字嘅稱呼,九成九都唔係形容好人。諸如「惡棍」、「賭棍」、「淫棍」、「狀棍」、「學棍」、「善棍」、「攪屎棍」等。唔知,你仲有冇興趣過「光棍節」?

最新評論

手機版|Archiver|粵語協會    

GMT+8, 2017-7-29 19:55 , Processed in 0.061199 second(s), 24 queries .

Copyright © 2003 - 2016 Cantonese Association. All Rights Reserved. 粵語協會 版權所有

返回頂部