一個「隻」字引發的尷尬
身邊一事：甲先生為乙女士好友。乙女士月前產下一子, 甲先生欲送禮相賀, 遂詢乙女士有何所需。乙女士笑答「奶粉」。甲先生即提議共赴超級市場購之。乙允。
超市之內, 甲先生舉頭一望, 但見數種牌子奶粉擺於貨架, 轉身, 又詢乙女士：「BB中意食邊隻啊？」 卻見乙女士突然滿面通紅, 沉默良久, 低聲講出二字：「左邊」。
甲先生不明所以。但稍一琢磨, 繼而哈哈大笑道：「我系問BB中意食邊隻牌子, 唔系問BB中意食邊隻’奶子’啊。」 又將兩手交叉於胸前, 再加一鬼臉。
乙女士回過神來, 頓覺尷尬。但因其個性屬「戰鬥格」, 於是乎死頂：「我知道你講奶粉, 我亦冇答錯, 系貨架左邊嗰隻奶粉吖嘛。」 無奈甲先生亦屬戰鬥格, 鬚眉不讓巾幗, 繼續踩油：「系咩？ 系你面前貨架左邊定系我面前貨架左邊啊？ 哈哈哈…」
卒之, 乙女士惱羞成怒。出手, 交替戳甲先生左右胸, 厲聲道：「臭男人! 你左邊右邊都冇奶!」…
粵語中, 「牌子」的量詞, 可用「隻」, 可用「個」, 可用「種」。而北漢語不用「隻」。
「隻」字與「衹」字被簡化成同一字「只」。而粵語中, 「隻」「衹」二字不同形, 不同音, 不同義。慘被合併, 無淚無語。
行文至此, 記起廣東鬼才狀元倫文敘所作之<<百鳥歸巢>>：天生一隻又一隻, 三四五六七八隻。鳳凰何少鳥何多, 啄盡人間千萬石…現實一貫如此, 奈何。
商榷一下。
應該係，「隻」、「只」（祇）均簡作「只」。