回顧上個星期，真係幾個月嚟最開心（相對嚟講，至少冇人煩我）、最充實嘅一周。

首先，幫公司一個外聘教授（九三學社經濟部部長嚟架，）手，整咗份經濟學學術資料（雖然好多睇唔明，但起碼見證咗由參加學術研討會到整理錄音，到錄入電腦，到電子文檔處理全過程）。聽講喺學術研討會上作報告嗰個係著名嘅經濟學家同埋數學家，唔怪之點都唔明佢講乜~唉，經濟學都好深奧啊。。。深刻體會到隔行如隔山。。。

其次，今個周末，差唔多同爸媽玩咗成兩日。商場搞店慶，猛打折，所以陸陸續續買咗好多嘢，每次去商場出嚟時都係6隻手滿晒貨。周日上晝，阿爸允我揸佢嘅車去兜風，幾個月未揸，本來以為會唔記得咗，但係事實好過我嘅預料，一上車就有返FEEL，哈哈~！下午阿媽單位搞趣味運動比賽，又去咗觀摩，有啲比賽都幾得意，不過嗰日好凍，吹咗成個下午冷風有啲頂唔順。。。

最後，冇人搞嘢煩我。。。呢點最HAPPY（可能重搞緊，不過暫時懶得理）。。。！

唔知呢個星期會有啲咩新鮮嘢呢？