|
其實每個人揾食都有佢嘅難度咖!——G肉佬fficeffice" />
“走鬼啊!~~~”
如果有人喺市場周圍噉樣大嗌,一定會見到好多人攞住一搊二搊、大袋細袋嘅嘢作鳥獸狀散去嘞,噉嘅風景,何其壯觀啊!
講起走鬼,其實好多人都以為佢哋好淒涼,冇自己嘅檔口,周圍漂泊,重間唔鍾畀啲城管趕,肯定冇啖好食啦!如果你係噉諗,你就最多係啱咗一半啫。
有頭髮邊個想做瘌痢,有檔口邊個想做走鬼!其實大家都係為兩餐,本嚟應該互相體諒。但我哋要畀鋪租、要交稅,佢哋就唔使,每日中意去邊就去邊,邊度好生意就去邊,幾時旺就幾時出嚟,幾時有人趕幾時就松人。你諗下,我哋邊有咁爽!
至於啲爛鬼城管,講起就把幾火!佢哋都唔使做嘢,就係每日喺度行行企企,跟住就係等出糧嘞,再跟住?就係等屎囉!
市場嘅生意有好多時都係畀啲走鬼拖累嘅,因為佢哋有招嘢好毒,叫“做爛市”。我哋要交鋪租,重要交稅養肥啲爛鬼公務員(包括城管班冚家富貴),梗係唔可以同佢哋搏爛啦!呢個市場以前有好多人都係因為唔夠啲走鬼做,最屘搞到執包袱嘅。但又冇人行出嚟幫我哋講下嘢,真係啞仔食黃連,有苦自己知吖!
不過佢哋真係幾難搞嘅,趕完又走返嚟,真係遊擊隊後代!
“走鬼啊!~~~”嘻嘻,今次係我嗌嘅!係咪好衰呢?
[此帖子已經被monfan於2007-6-6 14:08:53編輯過]
Powered by Discuz! X3.5 Licensed
© 2001-2024 Discuz! Team.