開頭以為炒股票好過癮，原嚟都係整碟炒牛河喫嚇過癮啲。——G肉佬fficeffice" />

　　“重有最靚嘅豬腩肉，重有最靚嘅……”

　　一聽到首歌，我就模咗下左邊褲袋，攞部手機出嚟一睇，奇喇，唔係我部機響！四圍望嚇，見到雞洪行過，已經攞住部手機喺度講野。都未等我問佢點解夠膽用我嘅專用鈴聲，佢就已經喺度炒媽拆蟹噉大叫，又話咩插水吖噉，佢又語無倫次喎，聽到我一頭霧水！

　　呢個時候蝦佬答口：“條友前嗰排學人炒股，重穩咗個人同佢睇住個市，聽講近排個市好似玩過山車噉，家陣睇佢個樣應該係走得嚤，賴咗嘢啦！”

　　哦，有啲噉嘅樹！都覺得條友呢排電話多到離曬譜咖喇，因為佢檔口離我遠所以唔知佢搞咩，原嚟學人炒股，今鋪真係代表作囉！以前喺電視劇度睇人炒股，以為好過癮，而且又多術語，咩牛市熊市吖、咩補倉清盤吖、咩漲停漲爆吖、咩跳水插水吖噉，聽落好好玩，但如果真係秒秒幾廿萬上落嘅話，心血少啲都唔掂！

　　見到雞洪冇曬心機，蝦佬驚佢睇唔開，叫我過去問嚇佢有冇事。我哋市場啲兄弟不嬲都好團結互愛咖嘛，梗係冇問題啦！於是我咪行過去，因為一時唔知講咩好，所以我就話：

“都話唔好用我只鈴聲咖啦，依家出事喇！”

“……”

“咯……咯咯”（雞檔裏面嘅雞叫聲）。

[此帖子已經被monfan於2007-6-6 14:08:06編輯過]