嚟到呢間公司，最大嘅收穫就係——識咗法務部一班同仁~梗係計上我哋嘅總監大人喇，唔知點解，同佢老人家特別好傾！

天下無不散之筵席~~~~雖然到咗今時今日，可以相聚嘅日子可能經已唔多，但係呢一年嚟大家從素未相識到無話不談，間中嘅段段往事，會一世留喺我嘅記憶中。。。

每一日最開心嘅時候係中午飯，因為我哋一行三丁友可以一邊坐喺一齊食飯，一邊討論啲CASE同埋法律問題。。。總監大人可以講嘢講到令人噴飯，有時又會攞自己嘅親身經歷同我哋分享。。。我諗，若果有一日要離開，至唔捨得嘅就係呢個祥和嘅部門！呢處嘅“祥和”——淨係適用於我哋部門內部“三”丁友（而家實質上得返2個，其實本來係5丁，由於種種原因……唉，唔提好過），因為呢個部門嘅屬性本來就會招惹到其他經營性部門，阻晒佢哋嘅利益。或者，有啲人唔明我哋點解時常聚喺一齊，有講唔晒嘅說話，或者有啲人以為我哋喺度搞緊咩陰謀詭計。。。話之人哋點諗，我哋繼續行自己嘅路！

總監大人雖年事已高，但係佢豐富嘅人生閱歷同辦案經驗係我點學都學唔晒嘅~~~鍾意同佢傾偈，唔單之因為佢都樂意同我哋傾，重有，佢會講啲我哋從未留意、從未接觸過嘅事，佢會提醒我哋唔好犯啲好易犯嘅錯。。。

今次相遇好難得，人生真係奇妙——

而家，我哋變作知交，現代通訊又如此發達，即使天各一方，都可時常聯絡。。。。所以唔使咁多感慨喇。。。就此打住！

呢排睇書睇到連返屋企嘅路都唔識喇！頭暈腦脹。。。唉~~~點解一定要個腦變作本超級辭典噉記住咁多嘢呢？？