你試過睇書睇到想喊嘅感覺未？唔係畀啲文字感動到喊，而係睇到字就會有莫名嘅沮喪。。。

呢排我就有呢種感覺。。。

幾個月嚟，幾乎日日睇法律，聽課。。。但係越到後卻越覺得中國嘅法律唔係人學嘅。。。處處可以見到強權、專制嘅陰影。。。民法領域算最公平架啦，不過行到司法階段又重新步入黑暗之中。

連人大制定嘅法律都有諸多錯誤，唔清唔楚、自相矛盾。。。身為立法嘅權威機構，制定出《擔保法》咁樣嘅“搞笑作品”嚟真係令人佩服！

中國法律語言之晦澀，令到似我咁樣嘅中國人都難以理解，更加唔使提鬼佬。。。唔怪之老師話，鬼佬睇唔明中國嘅法條。。。其實唔係啲字或者詞用得有幾高級，而係立法者連基本語法都唔識，時常顛三倒四，前後沖突。有啲條文，明明可以用好簡短明了嘅文字表達，偏偏分拆成幾個條文，重係用啲唔通順嘅語句。。。

至弊係，儘管問題多多，其實好多明顯嘅錯漏係可以好快改到，但係偏偏過咗咁耐，開人大時都未去改！唔知啲人係未睇出問題，定係冇心去改？第一種可能可以排除，因為咁多法學界人士都可以睇出嚟嘅問題，啲立法者點會唔知呢？。。。。

而呢啲錯漏永遠作為考試重點迫啲法律學習者去接受嗰種錯誤嘅理念、錯誤嘅表述，為人所“津津樂道”。。。。成為中國法律界嘅家醜~~~醒目嘅人重識得明辨是非，有啲人就完全係死記~~~~~不禁為此十分之羞愧！又為咁樣嘅“中國第一考”感到極度悲哀，我哋要培養嘅究竟係點樣嘅法律工作者？可笑！