就快要到ND啦~~~~今年屋企完全冇PL去搞啲活動或者出門旅行。。。真係冇晒癮。。。所以諗定喺呢7日好好地學啲歌仔。。。彈吓琴。。。喺屋企冇其他娛樂活動，音樂重係有嘅。。。

估唔到喺2個月監獄生活之後都係7日拘留期~

噚日對過啲題，雖然正處答案異議期，呢啲答案唔係最後嘅評判標準。。。但係都覺得好危險。。若果第四卷老師筆下留情，拉到啲分就算萬分幸運喇！

講到呢個考試，真係全中國“第一變態”考，就似老師所講嘅“司法考試唔考常態考變態”~~~真係服晒啲命題組嘅人！無論點復習，始終睇唔晒啲考點。熟識嘅考點又唔一定做得啱~因為佢會設好多陷阱令你迷途。。。唔怪之，PASS到嘅人多數都係高過合格線幾分咋！好多人差咗1-2分，成個人就完全傻咗~唉~~~~真係陰功囉！希望咁樣嘅事唔會發生喺我身上。。。上天保祐。。讀文科以來，呢次考試係我睇得最多背得最勤嘅一次啦。。一直都覺得自己唔適合死背啲嘢。。。因為自細我就習慣咗用理科思維嚟思考，乜都用邏輯嚟推理。。。唔好理解同推理嘅嘢我點都記唔住嘅。。

不過講開又講，若果真係肥佬咗。。。我諗，我真係會唔開心好耐。。不過我相信自己會重新企起身~~呢一生，有成功，有失敗。。。雖然每一次嘅失敗都會令到我好心痛好悔恨~~~加埋周圍嘅壓力。。會覺得透唔到氣。。。但係又點？活都係要活落去嘅。。。

唉。。。有時諗諗吓~都唔細架喇，但係始終覺得自己乜都未做。。。。好想可以從自己嘅世界中行出嚟，卻無法擺脫到。。。