琴晚去XX溫泉浴室，沖完涼照舊去2樓休息室睇吓電視，飲啲飲品，食啲餅仔。

啲嘢係自助嘅，FREE，我去攞西瓜時，睇到啱啱一盤新鮮西瓜擺出台，甚是高興，夾咗好多嚿返去，之後，隔離張檯有個女仔見我端住咁多嚿新鮮西瓜，便催佢男友/老公都去攞。。。。5分鐘之後，個女仔親自去攞。。。可能嗰時盤中西瓜已唔多，佢叫吧台個waitress嗱嗱聲入去攞多盤出嚟，但係個waitress並未喐，話盤中重有幾嚿。。。間中好似重有幾句來去，聽得唔係好清，2分鐘之後，個女仔就開始好大聲（以下譯作粵語）：你夠膽再講撚多次！？waitress：嗰啲咪就係西瓜！女仔：再講撚次試下！waitress:嗰啲唔係西瓜咩？。。。。。女仔將杯中嘅橙汁猛噉潑到waitress面上。。。waitress即刻大聲嗌到：你份人點會噉架？！！

之後@#(*%P*!。。。。。

個女仔重好惡噉大大聲鬧個waitress：做唔到服務員就唔好做，呢啲係你哋提供嘅自助服務，我係消費者，我叫你攞咩你就攞咩，我食西瓜重要睇你面色？！出面西瓜咁多，唔通我哋買唔起咩！？好笑！嚟得呢度算畀面你哋啦！潑水算得咩？你再咁巴閉摑一巴都有！

同個女仔一齊嗰2個人都話係waitress唔啱，抵畀潑！

我見到個waitress喺吧台呆企咗一陣，之後就入咗內室，我估佢應該就快喊出聲啦，唉，陰功！

幾分鐘之後，個浴室負責人上咗嚟，佢問係邊個潑水，個女仔答係佢，又點？負責人話即使waitress有幾唔啱，潑水都係唔啱嘅，有話就好好地講，唔使喐手動氣。個女仔話係佢哋嘅服務員質素太差，做唔好，反而話佢消費者唔啱？之後又係@$@!*&@^$(*。。。。最後，都係個負責人讓咗步，講少句先停到戰。

唉，想食啲嘢睇陣電視都唔畀清淨。。。。雖然啲waitress服務態度係差少少，個個都黑晒面噉，講嘢冇咩好聲氣，不過似嗰個女仔噉又太過誇張喇啩。。。噉樣係侮辱人格架，人哋之不過係冇職業道德，而佢，連做人嘅道德都冇咗。。。