|
今朝接到一個大學時嘅同學喺英國打過嚟嘅電話,話佢又轉咗校,轉咗去倫敦大學亞非學院讀法碩(Laws in general)。。。重話佢讀完之後會去美國工作一段時間。。。又話咩聽日佢老竇又要去倫敦開會,唔使上堂,可以聚會。。。
嗰陣時英國經已係凌晨1點幾啩,呢位仁兄重長氣,又講埋而家佢有個同學係HK人,樣似TONY,把聲又似TONY。。。所以佢哋CALL佢叫“小XXX”。。。。講完呢樣,又問嗰樣。。。。大大細細嘅事又講又問,足足煲咗半個鐘電話粥!我喺HK時都係噉,一打電話過嚟就實過半個鐘~~真係服晒佢!
諗起大學畢業之後雖然大家行咗唔同嘅路,不過佢嘅脾氣真係一啲都冇改變喎。。。可能我都係啩~~哈哈。。。
有時真係諗唔明~點解佢成日當我係個好細好細嘅細路女咁樣。。。乜嘢都要教我點做點做。。。長氣過我爸媽。。。。可能我睇起上嚟真係好細啩~~~不過其實係唔細架喇!唉!鬱悶!
今日公司網絡又出咗問題,搞到乜都冇得做。。差唔多係同法務總監傾咗成日偈。。。都算難得!
Powered by Discuz! X3.5 Licensed
© 2001-2024 Discuz! Team.