經過萬千波折，終於可以夢想成真，呢份心情係有酸甜苦辣乜味都有。

做一名好律師，係細個時嘅理想，為之曾經放棄咗好多，亦都承受咗好多。回望之前經歷過嘅種種，依然有啲心酸嘅感覺。。。

諗返呢條路，喺學校畢業之後去到社會，就遇到之前法務總監咁好嘅人，佢曾經教我哋好多為人處事嘅道理，係我喺社會大學遇到嘅第一位恩師！而家我哋重保持緊聯絡，大家又好傾得埋，每次打電話都可以傾半個鐘以上。佢重話若果我喺律所工作遇到乜困難或者問題就即刻打電話畀佢，佢可以時刻畀建議同意見指點我！今個周末諗住去杭州再探吓佢，大家再聚返餐，傾吓偈！

而而家呢個律所嘅主任又好好人，唔單之好有職業道德同豐富嘅實踐經驗，而且佢份人又好熱心好誠懇。。。。佢話若果我想出去讀書，佢可以幫我搵機會公派出去留學，又話會幫我聯系上海啲法院派過去學習，又話以後有乜香港業務就畀機會我過去。。。。。聽佢講嘢，我會覺得好受感動，可能呢啲就係緣份啩。。。。有時候真係唔信緣都唔得！

雖然之前好多小插曲，搞到心煩意亂，不過都從中學到好多，睇到好多社會嘅陰暗面，可以時刻作為借鑒！家陣，溫情又重返，其實呢個世界係有陽光嘅！體驗過一切先會明白，話之佢冷冷暖暖，把握住自己嘅原則就得！

堅信：善有善報，惡有惡報，唔係唔報，時辰未到！