《離別的秋天》欣賞：http://www.nmgly.com.cn/aobao/WishBgSounds/8.mp3

前幾日喺單位樓下聽到呢首歌，即刻畀佢悲悽嘅旋律同埋伴奏吸引咗，返屋企上網搵先發現原來有男女聲兩個版本，但係男嘅版本明顯冇女聲版好聽，包括演唱者情感表達同伴奏音樂風格。

孫露呢個版本，音樂聲一響起就係非常之透亮嘅鋼琴高音，可以好快將人带入一種夢幻嘅意境之中。之后就係鋼琴同吉他嘅和聲，慢慢引出演唱部分。期間嘅架子鼓簡單鮮明嘅拍點，令到柔和嘅旋律聲跳动起嚟。除咗鋼琴、吉他、架子鼓之外，重有一種聲音好令人難忘，就係低沉悲鸣嘅大提琴，呢種獨特嘅低音繚繞喺鋼琴、吉他声中，就好似一股悲愴嘅力量将成首歌嘅旋律升華到一個更高嘅層次。一口氣聽咗好多遍，細緻噉琢磨咗其中嘅幾種樂器，覺得係好完美嘅配樂。可能我個人特別鍾意呢種風格嘅伴奏，不嘈不躁，喺陰柔之中透露出一種剛強嘅生命力，悲怨之中不乏凄美嘅感覺。

希望呢首歌歌詞可以出個粵語版本，噉就更加正啦~！