左派 = 泛民 ； 右派 = 保皇    HK政治生態走亂位？

情系工農，為草根出聲講話，可以話係左翼嘅基準特徵，罷工示威同爭取工人權益呢家嘢向嚟係左翼工會做嘅，不過而家HK泛民對呢樣嘢涉足越嚟越深，因為佢地要做到代表到多數草根嘅民意，就要做呢啲嘢，噉係為民請命。而要求全民雙普選，就係基於要代表到更多嘅草根民意噉嘅初衷。我哋可以噉睇，現時HK泛民經已離傳統意義上嘅左越嚟越近，不過呢種左係西式嘅，溫和式嘅，議會議事式嘅左，起碼現時係噉。

至於傳統意義上嘅右，代表嘅係官商權貴嘅利益，現時HK嘅官商權貴利益代表黨派，除咗自由黨，民建聯係走唔甩雞嘅，雖然佢哋奈唔中都搞啲遊行之類嘅嘢嚟中和下，不過就始終脫唔到佢保官商權貴保支那毒材保支撈大官僚資產階級嘅主色調。