半年……

時間真係過得好快

離開嗰處竟而出咗半年

現時嘅我唔會因任何坎坷而哭

但係每每捕捉到嗰啲回憶片段同埋開心往事

總會不經不覺噉流淚

懷念

確似一首婉轉多味嘅歌

係控制唔到自己？定係經已無法自拔？

……我唔知

我亦都唔知呢種痛苦嘅感覺重需要持續幾耐……

想忘卻

又唔捨得放低

而家嘅我係一個犯錯嘅人喺度贖緊罪

即使有幾辛苦

我都會捱落去……無怨無悔！

3日假期就要過去

日日都好攰

唔知係個身攰定係心攰

或者兩者都有啩……唔想理噉多

只要撐得住

我就唔會輕言放手

因為之前已經錯過太多太多

我知——

做事在人，成事在天

但係我唔信個天可以控制到我幾生幾世

就算嘥咗一世重未成功

走咗之後我都會繼續！

時間而家對我而講好寶貴

我唔想再浪費一分一秒

因我已經嘥咗好多

幾多時候

搞唔清係笑定係喊

好多時候

唔想出聲

雖然周圍啲人一直覺得我係一個樂觀嘅人

自信嘅同時重有幾分霸氣

其實

之不過喺人哋面前我唔願意畀人睇到

自己嘅柔弱同哀愁

唔想畀人睇到我落淚

更加唔想其他人同我一齊難過

所以我習慣——

喺獨處嘅時候釋放情緒

喺夜深人靜時整理吓殘酷嘅現實

呢一生遇到過好多朋友——

舊時嘅朋友

無論是聚是散

佢哋都曾經陪伴我行過一段路

無論何時何地

我都會一直祝福佢哋

新識嘅朋友

我多謝佢哋喺我唔開心嘅時候畀歡笑我

喺我孤獨嘅時候陪住我傾偈

其實個天已經賜畀我好多好多

但係我冇好好珍惜到

先至錯失咗好多機會

從而家開始

我諗我要好好保存，細細回味……

一直到永久……永久……

珍惜今生——即係——

珍惜此際……