琴晚食過晚飯之後獨自去到附近一所校園內行行吓。。。校園內有一個湖。。。湖中有好多荷葉。。。雖然天色已黑，不過都幾靚~~喺湖心個亭入面坐咗一陣。。。邊聽MP4入面嘅歌仔，不禁有啲惆悵。。。

時間真係過得好快~~~~唔經唔覺又過咗一年。。。而心裡嘅結就一直未打開。。。唉，就當我而家贖緊罪啦。。。

喺人群裡面，始終係咁形式化。。。幾乎覺得自己每時每刻都係同一種心情去面對人世。。。而人後，返番嚟自己嘅世界度。。會覺得好有安全感，因為呢度係完全屬於我嘅，冇人可以打攪，呢個時刻嘅我先至係真正嘅自己，唔使去掩飾啲乜，去搵返自己真正嘅心情。。。雖然有時會有啲痛苦，痛到深處會忍唔住喊出嚟。。。

其實好多嘢都係可遇而不可求，或者根本就係可預而不可求。。。。

但係人呢天生就係噉。。未去嘗試時就話“未去試過點知唔得呢？”而試過之後就話“點解當初自己咁傻會做埋晒啲噉嘢呢？”。。。所以人永遠都係矛盾嘅~無止境嘅矛盾中。。。。

而講到緣份，我一直都係驚嘆於佢嘅奇妙。。。但係又唔信我會同呢個詞有乜關係。。。之前有好多同學會同我講乜乜乜。。。但係我始終唔係幾信。。。覺得呢啲嘢之不過係由心生，佢哋為咗證明啲乜而編出嚟嘅啫~~~~

對呢個詞嘅感覺真正有所轉變係喺HK開始。。。。

或者，真係應該去搵返曾經嘅感覺啦……至少畀自己好過啲~~唔好再噉委屈自己~~~去搵返嗰時嘅歡樂，做曾經做過嘅事，尋找記憶中殘留嘅片段。。。令佢再變返成現實~~~~