“莫水”同“莫莫哋”

時下外圍盛行，於是每逢周末廣州競賽頻道總係會有不俗嘅收視率，喺粵語講波佬嘅口裡頭，妳可以感受出佢哋嘅妙語連珠，體味到我哋粵語嘅博大精深！

通常喺下半場，“莫水”同“莫莫哋”呢兩個詞就會高頻率噉喺講波佬嘅口裡頭彈出嚟，真係唔知幾時個“莫”字突然間飆咗入（或者飆返入）廣州話嘅口語裡頭，我印象當中，“莫”字好似淨係喺書面語裡頭出現，諸如“莫再悲”，“莫強求”之類。

唔通又係喺香港傳過嚟嘅？不過喺老一輩廣州人當中，好似流行過“無錢莫水”呢個講法。

[此帖子已經被作者於2007-4-23 16:40:47編輯過]