早前睇過網友轉載嘅生果日報黃偉文專欄，入面提到一個「盧海鵬試咪」嘅故事，頗為有趣，攞嚟分享下：
　　以下是你們娛樂圈內人未聽過的真人真事，圈內關係者，卻幾乎無人未聽過。
　　你知道甚麼是現場表演綵排時的「試咪」嗎？總之就是叫個表演者出來，在台上用咪講些東西，測試一下系統，一般來說，100個表演者，99個都是這樣試咪的，「Testing！Testing！onetwothreefour！試咪！試咪！」
　　但盧海鵬的試咪方法卻獨一無二，聽說二十年前他已開始運用他這套自創的方法，讓例行公事變得滿場大笑，盧海鵬的試咪方法，只有一句話，就是「盧海鵬試咪，XXXXX」對不起，那五個字我不能在這裏寫出來，但可以為你提供三個破案貼士：
　　1.第二個字是「你」字
　　2.第三、四個字是一個和你有直接血緣關係的親人。
　　3.這五個字和「盧海鵬試咪」完全押韻。
　　（唉，仲（按：正寫為「重」）未估到呀？中間當然有兩道「門」啦！）

　　最近電影《文雀》上影，商臺節目《哇哇哇打到嚟》請咗鵬哥上去做嘉賓，佢都承認咗呢樣嘢。當衆試咪爆粗嘅事，只會發生喺自由嘅80年代，而80年代嘅香港亦係最人材輩出，各種創作最豐盛嘅年代。鵬哥同霑叔都係粗口之人，亦係有料之人，更係我尊敬嘅人。