三十歲以下有上網嘅人怕且都唔會冇聽過「活塞男」呢個大名號。如果你真係咁背，噉以下用兩句話簡單介紹下：
　　活塞男事件於2008年8月6日深夜發生，香港一名42歲男子在碧雲道藍田公園內的仰臥起坐鐵板做運動時，懷疑利用鐵板自慰，其陽具被緊卡在板上的圓孔內，不能自拔而報警求助。期間護士為男子放血亦未能令其將陽具拔出，最終須由消防員鋸開鐵板與該男子連體送往醫院處理。（資料來自維基百科）
　　本文重點並非事件本身，而係事後，有創意嘅港人為該名男子所起嘅多個搞笑花名，本人精選部分，並附上點評如下：
　　活塞男——最具代表性嘅名，以窄孔中往返嘅活塞形象比喻男子嘅動作。
　　插鐵工人——諧音「紥鐵工人」。
　　男板王——諧音「籃板王」。
　　板前受撕——以陽具插於鐵板中不能自拔嘅撕心痛苦狀態，諧音「板前夀司」。
　　幹鐵俠——諧音其實熱播嘅電影《鋼鐵俠》（因港人常有前后鼻音唔分嘅懶音，故有「幹」、「鋼」之諧音）。
　　卡竉一索、單屌一索——兩個都係麻雀術語，個人覺得「卡竉」更絕妙。
　　撚上壓——配合返國內當時嘅潮語「掌上壓」而設計。
　　板男根——鐵板+男根，諧音「板藍根」，絕。
　　插板生——插班生。
　　卡竉人物、卡竉角色——「卡竉」除咗係麻雀術語，重可以諧音「卡通」。
　　Fuck地魔——本來諗到「佛地魔」好有創意，不過fuck嘅唔係地，而係板，有瑕疵。
　　卡lock B——B者，何B仔也。事主原本希望B仔快樂（卡樂B），點知lock住唔出得。
　　鋼竉練鳩術士——鋼之煉金術師，唔煉金，改行練鳩。
　　竉ly man——lonely變竉ly，又一精彩絕倫之作。

　　另外，「屌板」一詞已成為潮語，有人重製作咗精美嘅潮語學習咭：

copyright：本文版權屬於粵語協會