日誌
粵語語氣助詞
|
吖 (解)此字一般不用於疑問句。
[aa1]係吖！你講得冇錯。
[aa3]唔係吖嘛？！
呀 (解)表示驚訝或疑問的歎詞。
[aa1]你想點呀？
啊 (解)①驚歎、贊歎 ②疑問或反問 ③祈使式 ④驚歎(疑問式) ⑤允諾或醒悟
①[aa1](此音不作疑問詞)啊！又係幾好喎！
②[aa2]咩啊？好似唔啱喎！
③[aa3]你唔好噉做啊！
噃 表示叮囑，勸告，肯定。
[bo3(播)]你唔好唔記得噃。咪飲咁多酒噃。我記得唔係噉噃！
㗎 ①強調語氣 ②半信半疑
①[gaa3(價)]佢好叻㗎！佢唔信你㗎！
②[gaa4]你識得佢㗎？！唔通係你做㗎？！
嘅 ①語氣詞，疑問或反問，又表同意 ②助詞，有肯定的意思
①[ge2]做乜冇人嚟嘅？佢噉做係應份嘅！
②[ge3]我嘅書。答案係啱嘅！
啩 表示半信半疑
[gwaa3(卦)]唔係啩？！佢唔會遲到啩！？
吓 ①疑問 ②相當於「一下」
①[haa2]吓？！冇理由唔啱㗎喎！吓？做乜嘢？
②[haa5]畀你嚇咗吓！
吔 表示驚異或感歎
[jaa1]哎吔！打得少啊你？
吆 多用於不滿的笑罵語氣
[jiu2(妖)]吆！正衰人！吆，咪鬼煩住晒啦！
喇 ①表示祈使的用法 ②表示告知
①[laa1(啦)]一齊嚟喇！
②[laa3]我食飯喇！
嘞 一般的表示肯定把握或情況
[laak8]我寫咗信嘞！我識做嘞！你知道就好嘞！
哩 ①相當於「啦」 ②肯定的疑問
①[le1(咧)]係哩！你喺邊度做嘢？
②[le4]我講得冇錯啊哩！都話咗係噉哩，我冇呃你㗎！
囉 ①表示告知 ②同「咯②」，粵語助詞 ③應答語氣
①[lo1]今日去咗行街囉！
②[lo3(咯)]一齊去玩囉！
③[lo4(羅)]係囉！冇囉！
咯 ①表示祈使 ②邀請語氣 ③表示完成語氣
①[lo1]你信佢咪得咯！
②[lo3]一齊去玩咯！
③[lok8]都話係咯！咁夜咯，早啲返去喇！
呣 ①表示疑問 ②表示肯定
①[m2]呣？好似唔係喎！
②[m6]呣！我知啦！
嗱 表特指語氣
[naa4(拿)]嗱，你話㗎！嗱，畀你睇吓嘞！
喎 ①主觀感覺 ②轉述語氣
①[wo3]係喎！唔啱喎！
②[wo5]佢話係噉喎，你咪信佢咯！
咋 氣詞，罷了的意思
[zaa3(榨)]我唞咗一陣咋！我見過佢兩次咋！
啫 ①氣詞，罷了的意思 ②語氣詞，表示勸告或肯定否定，又有輕視語氣
①[ze1]十幾斤重啫，我拎得起。
②[zek7]唔好去啫，做乜一定要應承佢啫？唔係噉啫！
呵 [ho2] 例句：明呵？（明白吧？）
“呵”字與普通話中“吧”字類似，用於疑問句末，並希望得到與助詞前面的內容立場相同的回答，甚至不需要回答。也可作雙音節詞“哦呵”，如“今日幾好天哦呵？”（今天天氣不錯吧？）這與英語中的反問句”A good day today, isn’t it?”有類似意味。
啋 [coi1] 例句：啋，揚過你！（去你的！）
啋，講埋曬啲衰嘢。（盡說壞話！）
需要注意的是，在說話中用到“啋”字的，人數上女性比男性多。典型的形象是一些三姑六婆（好事的女人，尤其指上了年紀的）聚在一起，當聽到一些不吉利的、有傷風化的事情，就會把手中的小手帕一揚，或擺著“蘭花手”，大叫“啋！”聲音拉長且含怨恨意味。
呸 [pｅi1] 例句：呸！冇你咁衰。（呸！沒你壞！）
呸！亂咁噏！（呸！胡說八道！）
呸！你先冚家鏟，你至仆街呀！（呸！你才全家死光！你才橫屍街頭！）
注意：「呀」同「啊」有時也可互用。
「噃」寫成“啵”、“播”都不對。
「㗎」寫成“咖”“嘎”“噶”都不對。
「嘅」也有被寫成“噶”，亦都不對。
「啩」不可寫作“掛(挂)”“呱”。
「吓」第②解不可以寫成“下”。
「吆」寫成“妖”代替是錯的。
「啫」不可寫成“姐”“喈”“者”。
雙音節（即兩個單音節語氣助詞連用）有「㗎喇」「吖嘛」「喇噃」「㗎咋」等等，數量上比單音節少；甚至出現三音節、四音節，但非常罕見，且大多可以用某個雙音節語氣助詞替代，因此在今天已經很少聽到。
表示肯定和決斷語氣
㗎喇 [gaa3 laa3]
①你重講，我就嬲你㗎喇！（你再說，我就生氣啦。）
②單嘢系噉㗎喇！（這件事是這樣的嘛。）
㗎嘞 [gaa3 laak3]
休息吓就冇事㗎嘞。（休息一下就沒事了。）
「喇」和「嘞」在語音上的區別爲後者是入聲韻母，大部分情況下可以互換。
表示疑問語氣
吖嘛 [aa1 maa3]
你冇事吖嘛？（你沒事吧？）
吓嘛 [haa6 maa5]
唔使咁誇張吓嘛？！（不用這麽誇張吧？！）
用於表示質疑、持否定意見的疑問。
吓哇 [haa5 waa5]
舊嘅唔去新嘅點會嚟，吓哇？（舊的不去新的怎麽會來，是吧？）
「吓哇」用於講道理。我們經常會聽到一些領導在開會時對下級「訓話」，每句話後面都帶個「吓哇」。其實，「吓哇」是「係唔係啊」（是不是啊）的變體。
一般提醒:
咦喂 [ji2 wei3]
咦喂，幾好吓 。（咦，不錯啊。）
「咦喂」在語氣助詞中比較特別，只能用於句子前面以引起聽話者注意，帶有驚喜、意料之外的意思。
咋吓 [zaa3 haa5]
得今日咋吓。（就今天啊。）
表示因爲數量的少而引起聽話者注意，往往含有潛臺詞，如例子中隱含叫聽話者抓緊時間的意思。
加強提醒：
喇噃 [laa3 bo3]
陳師奶，你聽日一定要嚟喇噃。（陳太太，你明天一定要來啊。）
尋晚佢整咗喇噃。（昨晚他搞好了。）
「噃」和「喇噃」均可表示叮囑之意和講述某個事實。兩者可以互換。
㗎咋 [gaa3 zaa3]
有怪莫怪，我路過㗎咋！（有怪莫怪，我只是過路的。）
嚟㗎 [lei4 gaa3]
呢啲係我用過嚟㗎。（這些是我用過的。）
許師奶係香港人嚟㗎。（許師奶是香港人。）
表示猜測語氣
喇啩 [laa3 gwaa3]
你嘅病好啲喇啩？（你的病好點了吧？）
表示無所謂語氣
之嘛 [ji1 maa3]
我差佢五百文之嘛。（我借了他五百塊而已嘛。）