因乜解究係下集?皆因上集俾人借走,故此唯有借住下集先咯

 

「 佛山贊先生  」係部寫有關贊先生威水史嘅書,有人曾講話若果你要睇正宗三及第,睇我是山人(作者名,真名陳勁)嘅「 佛山贊先生  」啦!

 

於是乎我就走到去圖書館尋一尋有無呢部書.果然,尋得「 佛山贊先生  」呢部書,可惜上集借俾人借走,得下集.收尾唯有借住下集先,重順手借咗一部正字南音嚟睇過

 

就嚮前排睇完部「 佛山贊先生 下集 」,而家就寫下啲料先!

 

書目

 

佛山贊先生 - 第十二回 爭地盆錢華槍挑大牛柄 飲花酒莫老慶掌打訝乍清

 

佛山贊先生大鬧清虛觀

 

贊先生橫掃惠州城

 

佛(山)贊先生大鬧城隍廟

講完書目然之後講人物

 

贊先生(人稱贊腥)一共有五個徒弟仔,起初三個為豬肉貴,找錢華與共流氓奇.收尾兩個為賣魚柄與共爛頸全

 

古仔入便贊先生嘅徒弟仔一共瓜咗兩個,一個係流氓奇(嚮橫掃惠州城個回),一個係豬肉貴(嚮大鬧城隍廟個回).至於點瓜法,自己尋呢部書睇過啦

下回畀啲句子過諸君睇睇