TVB《最緊要正字》豆單：http://www.tudou.com/playlist/id/2070292/

                                  http://www.tudou.com/playlist/id/7741777/

 

1、“咁”同“噉”

咁：
      粵音為gam2（同“感”）、gam3（同“禁止”嘅“禁”）；普通話音為gem4（香港中文大學粵語審音配詞字庫）、xian2（逸名在線字典）、gan（搜狗拼音&全拼輸入法）。
      意相當於普通話嘅“這麼，那麼”，經常放喺形容詞前面指代程度。
      Z.B. 你咁慢噶。

噉：
      粵音為daam6、gam2，普通話音為dan4。
      意相當於普通話嘅“這樣，那樣，如此”，經常放喺動詞前面指代方式。
      Z.B. 你噉講嘢嘅？

      我記得我喺《廣州日報》關於廣州話嘅一篇連載文章裏面見到嘅就差唔多噉嘅意思。感覺就系表呢兩個意思嘅時候，“咁”多數讀gam3，而“噉”多數讀gam2。不過喺粵語協會嘅一個帖亦有人話，呢兩次詞性唔同，話“噉”系代詞，不過我唔多明。。
      個人仲系比較偏向《廣州日報》嘅解釋，亦都喺網上搵到《方言》1985年第4期嘅一篇文章（可下載）支持呢種解釋——http://www.cnki.com.cn/Article/CJFDTotal-FYZA198504008.htm，解釋得好詳細。

 

2、“俾”同“畀”

俾：
      粵音為bei2（同“比”），普通話音為bi3。
      意為“使，把；比較；裨益”。
      Z.B. 俾眾周知。     

畀： 
      粵音為bei2，bei3（同“痹”），普通話音為bi4。
      意為“給予，賜予；被，受，让，用”。
      Z.B. 畀面；畀錢；畀人搵笨。

      “畀”呢個字嘅讀音，“bei3”為原音，而“bei2”為異讀。上面提到嘅“畀面”“畀錢”及“畀人搵笨”均讀“bei2”，同“俾”同音，所以好多人誤寫為“俾”。
      “俾”喺香港中文大學粵語審音配詞字庫中仲有一個讀音，為“pai3”，如“俾倪”，相當於“睥睨”。而“pai3”為“睥”嘅異讀，原音為“pai5”，仲有另一異讀“pei5”。
      呢兩個字的正字喺《最緊要正字》嘅第3集有講到。此外，仲有一篇文章《暢談廣州話　-　系“畀”，唔系“俾”》對呢兩個字嘅解釋亦頗為詳細：http://hi.baidu.com/lujiawei/blog/item/af69371f873f2ecea6866947.html

 

3、“哋”同“啲”

哋：
      粵音為dei6；普通話音為die2（佛教咒語用字）、di4（拼音輸入法）
      意為普通話嘅“們”。
      Z.B. 我哋，佢哋，你哋。

啲：
      粵音為di1（逸名在線詞典）、dik1（漢語方言發音字典）；普通話音為di（拼音輸入法）。
      意為普通話嘅“一點，少許”。
      Z.B. 加啲水；放好啲。

      其實呢兩個字讀音完全唔一樣，不過普通話成日要區分白勺“的”同土也“地”，所以順便講講。如果話會搞錯，噉就一般系將“哋”懶寫成“地”；懶或者唔識寫“啲”，寫成“D”。
      我最意外嘅系香港中文大學粵語審音配詞字庫裏面竟然查唔到呢兩個字，所以我都唔多肯定，要返屋企查查字典先得。