【粵語協會】

網址：http://www.cantonese.asia/

語言：繁體中文

簡介：學習交流類。

包括粵語書院、學術研討、魅力粵語、嶺南文化、會員文選、名家專欄、資源下載等欄目。而且，喺呢度你可以去討論區（http://bbs.cantonese.asia/index.php）問問題，可以去空間發表日誌等等。

呢個網站唔錯，你有乜唔識都可以去問，唔識粵語嘅人亦可以喺呢度搵到好多學習資源。不過，當然啦，人畀嘅答案始終有可能會出錯，只可作參考，不能盡信。

 

 

【香港中文大學粵語審音配詞字庫】

網址：http://humanum.arts.cuhk.edu.hk/Lexis/lexi-can/

語言：繁體中文/英文

簡介：在線字典類。

喺呢度，你可以輸入字查音義，亦可以輸入音查字。其中，包括部首、筆劃、字音分類、大五碼、倉頡嗎、香港語言學學會提供嘅粵音、Unicode、該字喺《漢語大字典》同《康熙字典》嘅位置、普通話發音、英譯等。呢度仲會提供該字每個讀音嘅同音字，以及該字嘅配搭點。

應該講，呢個網站系比較權威嘅，而且每個音都有得發音（不過貌似要裝插件），不過必須用繁體字檢索。比較不足嘅系，第一有啲字始終查唔到，第二字嘅解釋過少，例子不足。

“本網頁主要把黃錫凌編的《粵音韻彙》、李卓敏編纂的《李氏中文字典》、周無忌和饒秉才編的《廣州話標準音字彙》及何文匯和朱國藩編著的《粵音正讀字彙》這四本書中所有大五碼漢字的粵音資料兼收並蓄。”

 

 

【逸名字典】

網址：http://www.uname.cn/dict/index.asp

語言：繁體中文/簡體中文

簡介：在線字典類。

系呢度，你可以按漢字檢索、筆劃、部首、拼音（普通話）甚至五行嚟檢索，另有高級查詢。有多字都可以喺呢度查到，甚至比粵語審音配詞字庫更多。呢度亦有粵音、普通話音、部首、筆劃等等。解釋呢就有詳有略，還可以啦。不過最唔好嘅一點就系剩得普通話發音，仲有男女聲選擇，但竟然冇粵語發音……

 

 

【漢語方言發音字典】

網址：http://cn.voicedic.com/

語言：簡體中文（輸入繁體字會自動轉換為簡體字）

簡介：在線字典類。

喺呢度你可以查到檢索字嘅廣州話、普通話、閩南話、潮州話、蘇州話、標準贛語、上海話發音，夠曬多。廣州話嚟講，我查到嘅我覺得都好准，不過閩南話就通DuaBiang嘅唔系好一樣，不過我硬系覺得問題喺DuaBiang度……

呢個網站剩系負責字音，冇任何字義，不過我覺得喺字音方面真系好好。

 

 

【開放詞典網】

網址：http://www.kaifangcidian.com/han/yue/

語言：繁體中文

簡介：在線字典類。

呃……呢個網好似有好多字都差唔到……不過呢，當有啲字你可以喺呢度搵到之後，佢可以為你提供粵音、廣州拼音、國際音標等等嘅拼音，而且會提供一啲詞語，還OK啦。不過好似可以檢索詞語，而唔只系字。

呢度嘅漢漢詞典除咗粵語詞典，仲有閩南語詞典、文言文詞典、吳語詞典等。此外，網站仲有論壇、工具、下載同博客。